Loading…

Dogana konfirmon: Marketet kanë boll furnizime për qytetarët e Kosovës

  • 12/03/2020 | 15:14

Dogana konfirmon: Marketet kanë boll furnizime për qytetarët e Kosovës

Virusi Covid-19, i cili deri më tani në tërë botën ka marrë jetën e mbi 4 mijë njerëzve, ka ngjallur panik edhe në Kosovë. Ani pse ende nuk është konfirmuar asnjë rast pozitiv në vendin tonë, Institucionet dhe qytetarët kanë filluar të marrin masa mbrojtëse.

Të shumtë janë qytetarët të cilët ua kanë mësyrë dyqaneve ushqimore për t’u furnizuar me rezerva ushqimore. Megjithatë, në doganat e vendit ende nuk është vërejtur rritje e importit, shkruan Gazeta Express

Frika e përhapjes së koronavirusit, ka bërë që në marketet e vendit të krijohen radhë të gjata nga qytetarët të cilët po furnizohen me shumicë me produkte ushqimore e higjienike.

Megjithatë, duket se edhe pas blerjeve të shumta të qytetarëve, marketet në depot e tyre ende kanë sasi të madhe të mallrave.

Kjo, pasi në Doganat e Kosovës, nuk është vërejtur rritje e importit.

Zëdhënësi i Doganave të Kosovës, Adriatik Stavileci, ka thënë për Gazetën Express se trendi i importit nuk ka shënuar rritje.

“Realisht trendi ka qenë normal, por trendi i importit varet nga rritja e konsumit, e në raste të tilla normalisht se ka rritje të importit. Pra krejt varet prej konsumit, nëse qytetarët blejnë më shumë, importuesit e rritin importin. Është herët, për shkak se ende konsumi është i ulët”, ka thënë Stavileci

Ndërkohë, disa prej marketeve e kanë shfrytëzuar këtë situatë për të përfituar duke i ngritur çmimet e produkteve.

Madje, në disa raste të cilat janë raportuar nga qytetarët, çmimi i disa produkteve është dyfishuar.

Pas këtyre raportimeve ka reaguar Autoriteti Kosovar i Konkurrencës. Ky institucion ka nisur hetime për këtë çështje.

Për ngritjen e çmimeve ka reaguar edhe ministri i Financave dhe Transfereve, Besnik Bislimi. Ai ka publikuar një numër në të cilët qytetarët mund t’i raportojnë parregullsitë.

Derisa marketet që i kanë ngritur çmimet, i ka kërcënuar me mbyllje.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë