Dolberg: E kam pritur këtë moment, sot gjithçka shkoi mirë
-
26/06/2021 | 22:20
Lojtari i ndeshjes, Kasper Dolberg ka folur pas ndeshjes me Uellsin.
Dolberg shkëlqeu gjatë pothuajse gjithë takimit me paraqitjen e tij fantastike ku ishte një kërcënim i vazhdueshëm për mbrojtësit e Uellsit, shkruan lajmi.net.
Ishte vet Dolberg i cili shënoi dy golat për Danimarkën. Dolberg shënoi në min 27′ golin e parë dhe në pjesën e dytë, shënoi në min 48′ për ta gjunjëzuar Uellsin dhe për ta dërguar Danimarkën në çerekfinale.
Pas ndeshjes ai u shpreh që e ka pritur shumë këtë moment.
“Sigurisht që jam i lumtur. Kjo është diçka që unë kam qenë duke pritur, sidomos ulur në stol”, tha Dolberg.
“Sot kur po shëtisnim nëpër qytet dhe po shkonim në stadium, ishte një ndjenjë shumë, shumë e veçantë për mua. Sot, gjithçka shkoi mirë”, përfundoi Kasper Dolberg.
