Loading…

Drama e Bosnje Hercegovinës

  • 04/11/2021 | 11:04

Drama e Bosnje Hercegovinës

Territori i Bosnje e Hercegovinës njeh mirë dramat dhe tragjeditë politike e njerëzore. Republika e Bosnje e Hercegovinës, shtetit që lindi nga “Marrëveshja e Dejtonit”, së fundmi është duke rrezikuar seriozisht një shërbërje eventuale apo ndonjë destabilitet të madh shoqëror e politik, shkruan Gazeta Metro.


Lideri problematik i Presidencës së Bosnjës dhe udhëheqësi i Aleancës së Social-Demokratëve të Pavarur, Millorad Dokik, ka bërë një sërë paralajmërimesh rreth synimeve të tij për shpërbërjen e plotë të Bosnje e Hercegovinës.

Përfaqësuesit e Republika Srpska, të udhëhequra nga Dodik, kanë filluar destabilitetin politik nga fundi i korrikut kur janë tërhequr nga institucionet qëndrore pasi përfaqësuesi i lartë ndërkombëtar, Valentin Inzko, ka vendosur një ligj që ndalon mohimin e gjenocidit në Bosnje.

Tutje, Dodik, i mbështetur në mënyrë deklarative edhe nga zyrtarë të lartë të Serbisë ka thënë se në vijim përfaqësuesit e Republika Srpska do të tërhiqen nga ushtria e përbashkët, nga Gjykata dhe Prokuroria e Bosnjës, nga Autoriteti i Taksave Indirekte, si dhe nga Agjensia e Mbrojtjes dhe Inteligjencës.

Të martën, gazeta britanike Guardian ka cituar përfaqësuesin e lartë të komunitetit ndërkombëtar në Bosnje e Hercegovinë, Christian Schmidt, të ketë thënë se ky vend “është në rrezik të menjëhershëm për t’u shpërbërë” dhe se ekzistojnë gjasa “shumë reale” për rikthimin e tij në konflikt.

Në anën tjetër, Zëdhënësi i BE-së, Peter Stano, ka bërë një deklarim të kujdesshëm teksa ka thënë se udhëheqësit politikë të këtij vendi duhet të gjejnë zgjidhje.

“Duhet të angazhohemi në dialog politik, sepse kjo është e vetmja mënyrë konstruktive për të gjetur zgjidhje të krizës midis liderëve politikë. Veprimet e njëanshme dhe retorika e përçarjeve duhet të ndërpriten për të mirën e qytetarëve dhe të perspektivës evropiane të Bosnjës”, tha Stano.

Duke folur për mundësinë potenciale që BE të përfshihet në zgjidhjen e situatës apo edhe për ndonjë sanksion të mundshëm, Dodik, ka vazhduar me kërcënim direkt ndaj Bashkimit Europian.

“Nëse Bashkimi Evropian merr vendim për sanksione kundër Republikës Sërpska, ose për përjashtimin e saj nga programet që i ka këtu, le ta dijë se një gjë e tillë “do të ishte data e pavarësisë së Republikës Sërpska”, tha të enjten Millorad Dodik.

Lidhur me situatën dramatike në Bosnje duket se po përfshihen edhe Shtetet e Bashkuara të Amerikës.  I dërguari i presidentit amerikan për Ballkanin Perendimor, Gabriel Escobar, ka paralajmëruar vizitë këto ditë në Bosnje teksa paraprakisht veprimet e Milorad Dodikut i ka cilësuar si destabilizuese dhe të paligjëshme. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë