Real Madridi është shpallur kampion i ri i UEFA Youth League pasi mposhti në finale skuadrën e Club Brugge.
Ndeshja ishte e barabartë, ku koha e rregullt përfundoi me rezultatin 1-1.
Madrilenët kaluan të parët në avantazh me golin e Jacobo Ortega, por belgët nuk u dorëzuan dhe barazuan përmes Tobias Lund Jensen. Meqë 90 minutat nuk dhanë fitues, gjithçka u vendos nga penalltitë, ku lojtarët e Realit u treguan më gjakftohtë duke fituar 4-2.
Ky është trofeu i dytë i këtij kompeticioni që shkon në Madrid.