Loading…

Dramë në Poloni, eliminohet KB Prishtina

  • 20/09/2019 | 22:47

Dramë në Poloni, eliminohet KB Prishtina

KB Prishtina ka rezistuar shumë por pavarësisht kësaj është eliminuar nga Basketball Champions League në ndeshjen e dytë në Varshavë të Polonisë kundër Legia


KB Prishtina është eliminuar nga Basketball Champions League me dramë nga Legia Varshava dhe atë vetëm pas shtesave.

Koha e rregullt i takoi Prishtinës, të cilën e fitoi me rezultat 67:69, por kjo nuk mjaftoi për kampionin kosovar.

Legia Varshava kishte fituar në Prishtinë me dy pikë epërsi dhe kjo bëri që ndeshja të shkonte në vazhdime.

Çereku i parë ishte shumë më i mirë për vendasit që fituan me rezultat 24;20, Prishtina fitoi në çerekun e dytë dhe të tretë me rezultat 18:19 dhe 8:20. Por në çerekun e katër vendasit e kthejnë epërsinë duke fituar më rezultat 17:10.

Në vazhdimin e aprë Prishtina kishte përsëri rezultat më të mirë, 74:76, por në vazhdimin e fundit Legia fitoi me rezultat 85:83, duke fituar kështu me një rezultat të përgjithshëm 166:162, duke u kualifikuar në raundin e dytë eliminator të Ligës së Kampionëve.

Por, kjo nuk do të jetë rruga e fundit e Prishtinës në Europë pasi që ajo do të garojë në fazën e grupeve të FIBA Europe Cup, garë që ka marrë pjesë në katër vitet e fundit.

Më i miri te Prishtina ishte Divine Myles me 26 pikë, pastaj Mikaile Tmusiq që shënoi 17 pikë, ndërkaq Dardan Berisha kishte 14 pikë.

Te Legia Varshava më i miri ishte Drew Brandon me 20 pikë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë