Loading…

Drejtoresha e ‘Sami Frashërit’: U kërcënova me jetë, jam e padëshiruar veç pse jam femër

  • 01/11/2021 | 13:00

Drejtoresha e ‘Sami Frashërit’: U kërcënova me jetë, jam e padëshiruar veç pse jam femër

Profesorët në gjimnazin “Sami Frashëri” në Prishtinë kanë vazhduar me ditën e katër të bojkotimit të procesit mësimor, në shenjë pakënaqësie ndaj mënyrës së emërimit të drejtoreshës së re Fahrije Retkoceri.


Profesorët po e kundërshtojnë emërimin e drejtoreshës duke thënë se është emëruar jashtëligjshëm.

Përderisa Retkoceri në një deklaratë për Ekonomia Online tha se për shkak që është femër është e padëshiruar nga mësimdhënësit.

Ajo thotë se nga ta ka marrë edhe kërcënime me jetë.

“Nuk është e drejtë, nxënësit duhet të kthehen në bankat shkollore, dhe ajo çfarë po ndodh nuk është kompetencë e mësimdhënësve e as e imja, por janë organet kompetente më lartë. Arsyeja përse jam e padëshiruar për ta është se jam femër”.

“Kam pasur takime dhe jam kërcënuar nga ta dhe tash jam larguar nga takimi me ta. Kërcënim që nuk guxon me hy brenda, kjo është salla jonë e shumë kërcënime tjera. Unë e kam një kontratë dhe nuk kam dashur t’i tra-ojë nxënësit dhe prindërit e sidomos familjen time, edhe kjo ka qenë vetëm pse jam femër”.

Tutje, ajo ka apeluar që “mos të manipulohen nxënësit dhe prindërit nga një grup i caktuar, ndërsa zgjidhjen po e bëjnë se bashku ministria e Arsimit dhe komuna e Prishtinës”.

Kundër kolegëve të kësaj shkolle, ka dalë profesoresha e Kimisë, Florie Rusinovci, e cila që nga fillimi i kësaj greve ka mbajtur procesin e mësimit.

Ajo ka thënë se nuk pajtohet me këtë bojkot, teksa ka shtuar se me emërimin e drejtoreshës duhet të merret DKA-ja e jo mësimdhënësit.

“Në këtë formë nuk po pajtohem, nuk është në natyrën tonë dhe ka kush merret me këtë punë dhe çdo humbje e mësimit është humbje kohe, e sidomos për mësimdhënësit. Kush e ka sjellë këtë drejtoreshën këtu edhe mundet ta largojë dhe personalisht nuk mundem të bëjë asgjë e as stafi, pra ajo është ajo zgjedhur nga DKA-ja dhe ata e largojnë, dhe unë pajtohem me këtë vendim të saj”.

“Apeli im është që kolegët e mi të kthehen në mësim dhe mjaftë që një muaj kemi humbur mësimin për një muaj. Nuk ma ka marrë vendin e punës dhe asgjë, dua ta respektojë kontratën e punës, kjo është e tëra”, tha ajo.

Lidhur me këtë bojkot të procesit mësimor, Këshilli i Prindërve në Prishtinë, kanë mbajtur mbledhje në këtë shkollë, të cilët kanë thënë se kërkesat e mësimdhënësve për bojkotimin e mësimit në gjimnazin “Sami Frashëri”, janë të pajustifikueshme.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë