Loading…

Drejtori artistik i Eurovision zbulon bisedën me Ronela Hajatin

  • 16/05/2022 | 22:23

Drejtori artistik i Eurovision zbulon bisedën me Ronela Hajatin

A e refuzoi Luca Tommassini Shqipërinë? Sipas fjalëve të shprehura nga drejtori artistik gjatë një interviste në “Oggi è un altro giorno” në Rai 1, duket se po.


Koreografi dhe balerini i njohur, i cili ka drejtuar performancën e Ana Gjebreas në “Eurovision Junior”, deklaroi se Ronela Hajati e ka telefonuar në lidhje me performanëcn e saj. Ai zbuloi se “ka refuzuar Shqipërinë” pasi këngëtarja i ka thënë se në skenë do të bëjë çfarë të dojë.

“Ronela Hajati është shumë e njohur në Shqipëri. Nuk dëshiron asnjëher t’i thonë se çfarë të bëjë. Në bisedën që kemi pasur më parë kur më ka telefonuar, kam pasur frikë. Sepse më tha “ne le të bëjmë mbledhje, prova dhe të gjitha por në skenë do të bëj çfarë të dua.” Dhe kështu i thashë jo. Dhe ja unë jam këtu, ajo po kthehet për Shqipëri. Nuk jam penduar që refuzova.”– u shpreh ai.

Luca Tommassini, është një balerin dhe koreograf i njohur ndërkombëtarisht. Ai drejtoi performancën e Anna Gjebreas, e cila përfaqësoi Shqipërinë me këngën “ Stand by you”.

Kujtojmë se Ronela Hajati u shndërrua në kryefjalën e mediave, jo vetëm shqiptare, por edhe ndërkombëtare. Duket se performanca e saj në “Eurosong” nuk është pëlqyer nga mediat ndërkombëtare, që jo vetëm e renditën atë në 3 këngët më të këqija, por nuk i kursyen as ironitë me performancën si dhe këngën e këngëtares sonë.

Nga ana tjetër ajo iu kundërpërgjigj të gjitha kritikave dhe komenteve negative me një status ironik në rrjetet sociale. “Ore Shqipe, po na këndoni ndonjë këngë tjetër të Eurovision apo vetëm timen keni qejf? Sa të mirë që jeni. Në fakt mua më shumë më pëlqeu si u duka. Si shpirt! #shqipëriaderinëvdekje #askushnuktëdosashqipet”, shkruan këngëtarja në një postim në “Instastory”, duke iu referuar komenteve negative që sipas saj më së shumti kanë qenë nga shqiptarët.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë