Loading…

Dua Lipa dhe Calvin Harris bashkohen për një projekt të dytë muzikor, publikohet të premten

  • 26/05/2022 | 11:31

Dua Lipa dhe Calvin Harris bashkohen për një projekt të dytë muzikor, publikohet të premten

Herën e fundit që punuan së bashku Calvin Harris dhe Dua Lipa kaluan tetë javë në pozitë e parë dhe fituan çmimin britanik “single i vitit” për hitin e tyre të mrekullueshëm “One Kiss”.


Tani ata po synojnë të përsërisin historinë duke u bashkuar sërish për atë që ata shpresojnë se do të jetë kënga e verës së këtij viti.

Dyshja janë bashkuar për këngën e re që mban titullin “Potion”, dhe pritet të publikohet të premten (27 maj).

Kënga përmban gjithashtu një pjesë nga reperi amerikan Young Thug. “Potion” është kënga e parë që do të dalë nga albumi i gjashtë i Calvin – dhe i pari në pesë vjet – “Funk Wav Bounces Vol. 2”.

Vëllimi i parë në 2017 përfshinte hitin “Feels” me Pharrell Williams, Katy Perry dhe Big Sean, dhe kjo këngë e re është krahasuar në mënyrë të favorshme me atë këngë.

“Kënga është si Feels 2.0, si për sa i përket tingullit ashtu edhe stilit të videos. Kënga vazhdon aty ku e ka lënë. Videoja tashmë është xhiruar dhe Dua ka veshur një mori veshjesh seksi. Ata të dy duken shkëlqyeshëm”, tha një burim.

Kjo do jetë një javë e ngarkuar për Calvin, i cili do të jetë titullar i Fundjavës së Madhe të Radio 1 në Coventry të shtunën(28 maj), kur festivali i tyre vjetor i muzikës rikthehet për herë të parë që nga viti 2019.

Ai do të ketë shoqëri atje, pasi doli në publik këtë javë me të dashurën e tij të re, bashkë-prezantuesin e Radio 1 Drivetime, Vick Hope.

Dyshja u fotografuan së bashku në Royal Chelsea Flower Show në Londrën Perëndimore përpara se ‘The Sun’ të tregonte se si ata ishin fejuar fshehurazi në fermën e tij në Ibiza.

Por, përveç planifikimit të dasmave, Calvin ka një verë të zënë përpara me publikimin e afërt të albumit të tij, shfaqjet e festivaleve në të gjithë Evropën dhe rezidencën e tij në Ushuaia në Ibiza.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë