Dushi i LDK’së: Kurti ushqehet me kriza, s’do stabilitet për vendin

Kryetari i degës së dytë të Lidhjes Demokratike të Kosovës në Prishtinë, Florian Dushi, reagoi pas takimit mes liderit të LDK-së, Lumir Abdixhiku, dhe kryetarit të Lëvizjes Vetëvendosje, Albin Kurti, transmeton Gazeta Metro.

Dushi komentoi qasjen politike të Kurtit dhe LVV-së, duke pretenduar se kjo parti nuk synon stabilitet institucional.

Ai tha se, sipas tij, krizat politike janë përdorur vazhdimisht nga Kurti dhe subjekti që ai drejton.

“Tashmë e ka dëshmuar shumë herë Kurti dhe organizata e tij se nuk e duan stabilitetin. Ata duan krizë, sepse me kriza u rritën dhe në krizë mbijetojnë. Krizat i krijojnë, i thellojnë dhe pastaj i shfrytëzojnë politikisht. Sa herë vendit i duhet qetësi, normalitet dhe institucione që funksionojnë, ata prodhojnë konflikt, përçarje dhe krizë”, deklaroi Dushi./gazetametro.net