Dy muaj pa ministër të Integrimeve

Qeveria e Kosovës në vazhdimësi proklamon se ka prioritet përshpejtimin e agjendës evropiane të Kosovës.

Por janë bërë më shumë se dy muaj qëkur Ministria e Integrimeve Evropiane ka mbetur pa titullar, pasi atë vendosi ta braktiste ish-ministri Bekim Çollaku, për t’iu bashkuar kabinetit të presidentit Hashim Thaçi.

Partnerët e koalicionit nuk kanë dhënë arsyet e këtyre vonesave. Por burime të gazetës kanë thënë se PDK-ja nuk është fort e interesuar për ta plotësuar këtë pozitë, “pasi tashmë orientimin e kanë kthyer nga zgjedhjet e parakohshme”.

Sekretari i Partisë Demokratike, i pyetur nga Koha Ditore, për vonesat në emërimin e ministrit, ka thënë se për momentin nuk mund të flasin. Ai ka thënë se aktualisht janë të fokusuar në zgjedhjet e jashtëzakonshme për kryetar të Komunës së Drenasit.