Loading…

E akuzoi se është në koalicionin me Listën Serbe në Gjilan, Haziri i kundërpërgjigjet Bislimit

  • 21/10/2021 | 16:15

E akuzoi se është në koalicionin me Listën Serbe në Gjilan, Haziri i kundërpërgjigjet Bislimit

Kryetari i komunës së Gjilanit, Lutfi Haziri i është kundërpërgjigjur deklaratave të zëvendëskryeministrit Besnik Bislimi lidhur me atë se Haziri në Gjilan ka koalicion me Listën Serbe. Haziri tha LDK s’ka marrëveshje as me Listën Serbe e as me asnjë parti tjetër.


Haziri e quajti spekulative deklaratën e Bislimit pasi sipas tij zëvendëskryeministri nuk e njeh realitetin politik në Gjilan.

“Komunën e Gjilanit është dalë një rezultat befasisht i mirë, në balotazh me kandidatin e Vetëvendosjes, LDK ka partner tradicional, por nuk ka as nuk ka pas koalicion me asnjë parti as me Listën Serbe e as me ndonjë parti të minoriteteve tjera. Spekulative me dalë me një qëndrim e aq më pak nga zëvendëskryeministri Bislimi që është me origjinë nga atje që të mos e njeh realitetin politik në terren”, tha Haziri.

Ai para gazetarëve pas mbledhjes së kryesisë së LDK-së, tha poashtu se komuniteti serb në Gjilan është i integruar dhe se të njëjtit nuk dalin për të bllokuar rrugët me kamionë e traktorë.

“Në Gjilan katër vitet e fundit nënkryetar nga komunitetet është nga komuniteti turk e jo përfaqësues i Listës Serbe. Tendenca me e rikthy rolin e Listës Serbe në Gjilan është vlerësim i rrezikshëm politik sepse komuniteti serb është komunitet i integruar në institucione dhe nuk nxjerr kamionë dhe traktor me i blloku rrugët komunale e rajonale dhe është komunitet që është integru me qetësi politike dhe i sheh punët e veta më shumë sesa punët politike”, tha Haziri.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë