E arrestuan për 5 vazo kanabis Enca ‘në tripa’ pas daljes nga qelia: Po studionin ‘ballkonin’ tim

Këngëtarja Enca Haxhia ka reaguar për herë të parë pasi u lirua nga qelia.

“Ata po studionin ballkonin tim”, shkruan këngëtarja me ironi e arrogancë në rrjete sociale teksa ka publikuar një foto provokuese me rroba banjo. Ndërkaq ka shkruar edhe një mesazh falënderues për mbështetësit pasi arrestimit.

Policia e Tiranës e arrestoi në kuadër të operacionit “Balcony”, pasi i gjeti 5 vazo me kanabis në banesën e saj në Lundër. Katër ditë më parë togat e zeza në Gjykatën e Tiranës vendosën ta nxjerrin nga qelia, ku këngëtarja qëndroi për 2 netë prej arrestimit mbrëmjen e 12 shtatorit, duke i caktuar këngëtares masën e detyrimit të paraqitjes.