Loading…

E dhimbshme: Marcus Rashford zbulon kuptimin e veçantë të festës pas golit kundër Uellsit

  • 29/11/2022 | 23:02

E dhimbshme: Marcus Rashford zbulon kuptimin e veçantë të festës pas golit kundër Uellsit

Sulmuesi i kombëtares së Anglisë, Marus Rashford, ka zbuluar kuptimin e veçantë që kishte festa e tij pas golit të parë kundër Uellsit. Ai ka thënë se ishte një homazh për një mik që së fundmi humbi betejën me kancerin, transmeton Gazeta Metro.


Asi i ‘Tre Luanëve’ realizoi dy gola në fitoren 3-0 ndaj Uellsit. E para ishte një goditje mahnitëse nga gjuajtja e lirë që nuk i dha asnjë mundësi portierit, Danny Ward.

Duke folur pas lojës, Rashford zbuloi se festimi ishte për nder të një shoku që i ka vdekur vetëm disa ditë para ndeshjes.

”Fatkeqësisht humba një nga miqtë e mi disa ditë më parë. Ai ka pasur një betejë të gjatë me kancerin, kështu që jam i kënaqur që arrita të shënoj për të. Ai ka qenë gjithmonë një mbështetës i madh i imi, ishte thjesht një person i mrekullueshëm dhe jam i kënaqur që ishte pjesë e jetës sime,” tha ai.

Përveç dy golave të Rashord, në listën e golashënuesve hyri edhe anësori i Manchester City, Phil Foden, i cili realizoi vetëm dy minuta pas golit fantastik nga sulmuesi i Man United.

25-vjeçari aktualisht ka tre gola në tre ndeshje të Kupës së Botës, aq sa kanë edhe Kylian Mbappe, Cody Gakpo dhe Enner Valencia.

Anglia tani në fazën e 1/16 do të përballet me Senegalin më 4 dhjetor me fillim nga ora 20:00. /gazetametro.net

Ja kur ishte hera e fundit kur Anglia përfundonte në krye të grupit të Kupës së Botës

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë