E ngritën tendën sa ‘hap e mbyll sytë’, dy britanikë futen në Librin Guinness

Dy shtetas britanikë kanë hyrë në Librin e Rekordeve Guinness pasi vendosën një rekord të ri për montimin më të shpejtë të një tende për dy persona.

Param Tanna dhe Adam Greenstreet arritën ta përfundonin sfidën në vetëm 1 minutë e 4.95 sekonda, duke regjistruar kështu një rezultat që u njoh zyrtarisht nga Guinness World Records.

Tanna tregoi se ideja për të synuar këtë rekord e kishte shoqëruar prej vitesh, por vetëm së fundmi vendosi ta kthente në realitet.

“Ndërsa u rrita, e dija se duhet të kishte një rekord që mund ta thyeja”, tha Tanna për Guinness World Records.

“E gjeta këtë rekord disa vjet më parë dhe fola me disa njerëz për të, por në fakt nuk ndërmora asnjë veprim deri vitin e kaluar. E dija që Adami do të ishte një zgjedhje e shkëlqyer pasi ai është shumë i aftë dhe nuk do të thoja se as unë jam shumë e keqe”, shtoi ai.

Sipas Tannës, përvoja e fituar ndër vite në kamping dhe aktivitetet e skautizmit ka qenë një faktor i rëndësishëm që i ndihmoi ata të përgatiteshin dhe ta realizonin me sukses këtë sfidë.