Loading…

E publikoi videon më pas e fshiu: Nusret merr ‘në qafë’ një tjetër gjeneral të një vendi të varfër

  • 07/11/2021 | 18:51

E publikoi videon më pas e fshiu: Nusret merr ‘në qafë’ një tjetër gjeneral të një vendi të varfër

Në fillim të këtij viti ministrat shqiptar darkuan në restorantin e kuzhinierit të famshëm turk Nusret Gocke.


Pamje u bënë virale menjëherë dhe më pas faqja e kuzhinierit të njohur u detyrua ta fshinte, videon e ministrave shqiptar.

Pamjet video të ministrit të Sigurisë Publike të Vietnamit, gjeneral To Lam, duke  u ushqyer nga kuzhinieri i njohur Nusret Gocke po bëjnë bujë në rrjetet sociale.

Një video e publikuar më 3 nëntor 2021 në llogarinë TikTok të shefit turk Nusret Gökçe, i mbiquajtur Salt Bae me afro 11 milionë ndjekës, tërhoqi menjëherë vëmendjen e shumë njerëzve, veçanërisht të vietnamezëve.

Videoja prej 41 sekondash në faqen e llogarisë nurs_et tregon kuzhinierin duke përgatitur dhe shërbyer personalisht viçin e famshëm të veshur me ar për delegacionin vietnamez.

Në video shfaqet Nusret Gökçe duke prerë në feta viçi dhe duke e kripur me dorë në stilin e tij të famshëm.

Pastaj e preu dhe ia dha ministrit To Lam më pas gjenerali ngriti gishtin e madh për të treguar pëlqimin e tij.

Ka disa informacione të pakonfirmuara se video është xhiruar në restorantin e Nusret Gökçe-s në Londër në fillim të nëntorit.

Gjithashtu gjatë kësaj periudhe, Ministri i Sigurisë Publike të Vietnamit, gjenerali To Lam, ishte i pranishëm në Britaninë e Madhe dhe pati një takim me Ministren e Brendshme të vendit pritës, znj. Priti Patel, më 1 nëntor.

Pavarësisht se u hoqën, pamjet kopjet e videos u shpërndanë gjerësisht në internet.

Aktivisti i të drejtave të njeriut Hoang Dung ishte një nga njerëzit e parë që postoi fotot në faqen e tij personale në Facebook dhe pyeti pse duhej të mbahej një darkë pune në një restorant kaq të shtrenjtë.

Shumë përdorues të mediave sociale denoncuan vaktin e pasur dhe e krahasuan atë me varfërinë në Vietnam.

“Paratë e mia të taksave janë përdorur për luks,” shprehej një person.

“Vietnam është ende i varfër, por ministri është aq luksoz, gjenerali po shijon kaq shumë ekstravagancë,” shkroi përdoruesi i Facebook, Mung Tin Ngo.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë