Sekretari i degës së PDK-së në Prishtinë, Bujar Cakolli, ka deklaruar se PDK dhe LDK do të bëhen bashkë pas zgjedhjeve që do të mbahen në Kosovë, shkruan Gazeta Metro.
Cakolli ka shkruar se koalicion i ardhshëm pas zgjedhjeve do të jetë PDK – LDK me kryeministër Kadri Veselin dhe kryeparlamentar Lutfi Haziri.
Postimi i plotë:
LDK duke iu frikësuar një koalicioni të PDK-së me ndonjë parti tjetër, po e shantazhon skenën politike duke proklamuar një koalicion të mundshëm LDK – VV.
Mirëpo e vërteta është kjo. Tri subjektet më të mëdha politike PDK, LDK, VV do të shkojnë të vetme në zgjedhje parlamentare. Fitues i këtyre zgjedhjeve do të jetë PDK, kurse nën trysninë e faktorit ndërkombëtar, koalicioni i ardhshëm qeverisës do të jetë PDK – LDK në krye me kryeministrin Kadri Veseli. Kryetari i parlamentit i takon LDK-së dhe sipas të gjitha gjasave ai do të jetë Lutfi Haziri.
Isa Mustafa menjëherë pas zgjedhjeve do të jap dorëheqje nga posti i Kryetarit të LDK-së../gazetametro.net