Loading…

Edhe Arsenali dështon – Mposhtet nga Aston Villa, ‘Topçinjtë’ humbin edhe pozitën e liderit

  • 09/12/2023 | 20:37

Edhe Arsenali dështon – Mposhtet nga Aston Villa, ‘Topçinjtë’ humbin edhe pozitën e liderit

Aston Villa po vazhdon të jetë “arrë e fortë” për kundërshtarë, veçanërisht në ndeshjet si vendas.


Pasi mposhti Manchester Cityn në mesjavë, skuadra e drejtuar nga Unai Emery fitoi sonte ndaj Arsenalit, në ndeshjen e vlefshme për javën e 16-të në Premierligë.

Ndeshja e zhvilluar në stadiumin “Villa-Park” përfundoi me rezultatin 1:0.

Vendasit arkëtuan pikët e plota me një gol të hershëm të shënuar nga John McGinn (7’).

Kjo përballje ishte tejet e fortë dhe interesante, me të dy skuadrat që regjistruan disa raste të mira shënimi.

Vlen të theksohet se “Topçinjtë” ia dolën të shënonin një herë përmes Bukayo Sakas, që u anulua për pozitë jashtë loje, dhe një herë përmes Eddie Nketiah, që u anulua për prekje me dorë.

Arsenali tani ka humbur pozitën e liderit dhe renditet i dyti me 36 pikë, një më pak se Liverpooli.

Aston Villa është e treta me 35 pikë.  /Express/

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë