Loading…

Edhe një shtet i madh i BE’së pezullon vaksinën e AstraZenecas për ata nën 60 vjeç

  • 08/04/2021 | 12:37

Edhe një shtet i madh i BE’së pezullon vaksinën e AstraZenecas për ata nën 60 vjeç

Spanja e ka kufizuar përdorimin e vaksinës së kompanisë AstraZeneca vetëm për personat mbi moshën 60-vjeçare, pasi rregullatorët evropianë dhe britanikë gjetën lidhje të mundshme mes kësaj vaksine dhe mpiksjes së rrallë të gjakut në tru.


“Strategjia e vaksinimit është duke ndryshuar dhe nga nesër, vetëm personat mbi moshën 60-vjeçare do të vaksinohen me vaksinën e AstraZeneca-s”, tha ministrja e Shëndetësisë, Carolina Darias, gjatë një konference për gazetarë të mërkurën.

Ministrja gjithashtu tha se të enjten do të merret një vendim nëse personat që e kanë marrë dozën e parë të kësaj vaksine do ta marrin edhe dozën e dytë apo jo, shkruan Reuters, transmeton Gazeta Express.

Agjencia Evropiane e Ilaçeve të mërkurën njoftoi se ka raporte për 169 raste të mpiksjes së rrallë të gjakut nga 34 milionë doza të dhëna brenda Evropës. Shumica e këtyre rasteve u paraqitën te gratë nën moshën 60-vjeçare, brenda dy javësh pas vaksinimit.

Maria Jesus Lamas, drejtore e rregullatorit spanjoll të ilaçeve, tha se numri i rasteve të mpiksjes është më i lartë sesa është pritur, por prapë shumë i vogël.

Ministrat e Shëndetësisë të vendeve të Bashkimit Evropian dështuan gjatë një samiti që të pajtohen për këshillë të përbashkët rreth kësaj vaksine, ndërsa Agjencia Evropiane e Ilaçeve tha se shtetet duhet të vendosin rregulla veç e veç.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë