Ekonomia e Kosovës u rrit për 3.6 përqind

Kosova pritet të ketë rritje edhe më të madhe se vitin që po e lëmë pas. Në 2016’ën, ekonomia e Kosovës u rrit për 3.6 për qind, ndërkaq në vitin që sapo hymë, kjo rritje pritet të shkojë në 4 për qind.

Këtë e ka thënë vetë guvernatori i Bankës Qendrore të Kosovës, Bedri Hamza. Ai ka konfirmuar rritjen për 2016’ën, dhe ka treguar parashikimin për rritjen e vitit 2017.

‘Norma reale e rritjes ekonomike në vitin 2016 pritet të jetë rreth 3.6 për qind, ndërsa për vitin 2017 norma reale e rritjes parashihet të jetë rreth intervalit 3.8 deri 4 për qind’, ka thënë Hamza.

Ndonëse borxhi publik i Kosovës ka mbërritur 840 milionët, kjo nuk konsiderohet si rrezik, pas sipas guvernatorit Hamza, kjo shumë është vetëm 14 për qind e Bruto Produktit Vendor (BPV).

‘Kosova ka një nivel mjaft të ulët të borxhit publik, i cili në raport me BPV-në qëndron në 14 për qind. Si i tillë, borxhi publik aktualisht nuk paraqet ndonjë rrezik për stabilitetin financiar dhe reflekton qëndrueshmëri të financave publike në vend’, ka thënë ai.