Eksperimenti më i ri: Qeliza njerëzore të trurit integrohen në trurin e minjve

Një eksperiment i pazakontë shkencor ka arritur nivelin më të gjerë të integrimit të qelizave njerëzore të trurit në sistemin nervor të një kafshe të raportuar deri tani.

Studiuesit kanë transplantuar inde të trurit njerëzor të rritura në laborator në trurin e minjve të modifikuar gjenetikisht.

Sipas Nature, indi njerëzor jo vetëm që mbijetoi, por u rrit dhe u lidh gjerësisht me sistemin nervor të kafshëve.

Minjtë ishin krijuar në mënyrë që një pjesë e rëndësishme e korteksit të tyre të mos zhvillohej normalisht, duke krijuar hapësirë për indin njerëzor të transplantuar.

Brenda dy deri në tre muajve, indi njerëzor u zgjerua afro pesëfish dhe mbushi më shumë se 90 për qind të hapësirës së lirë në tru.

Qelizat njerëzore krijuan gjithashtu lidhje nervore që shtriheshin deri thellë në sistemin nervor të minjve.

Studiuesit vunë re zhvillimin e disa tipeve të specializuara të neuroneve njerëzore, përfshirë qeliza që janë të vështira për t’u riprodhuar në laborator.