Loading…

Ekspertët e konsiderojnë absurde kërkesën për bazë të përhershme ushtarake në Kosovë: Ekziston që nga 99’ta

  • 03/12/2022 | 08:30

Ekspertët e konsiderojnë absurde kërkesën për bazë të përhershme ushtarake në Kosovë: Ekziston që nga 99’ta

Kërkesa e Qeverisë së Kosovës që Shtetet e Bashkuara të Amerikës të kenë bazë të përhershme ushtarake amerikane në Kosovë, po konsiderohet si absurde nga njohësit e çështjeve të sigurisë.


Duke iu referuar kampit ushtarak “Bondsteel” që ndodhet në Kosovë, njohësit sigurisë thonë se njëjta ekziston që nga 99-ta.

Eksperti i sigurisë, Avni Islami, thotë se për të pasur bazë të përhershme, Kosova duhet në NATO, ndonëse thotë se tashmë ekziston një bazë ushtarake.

“Fillimisht duhet thënë se që nga përfundimi i luftës në Kosovë në Ferizaj është Bondsteeli një bazë ushtarake amerikane e cila e ka rëndësinë e vet dhe unë besoj se ne kemi bazë amerikane, mirëpo kërkesa që të jetë bazë e përhershme, është e drejtë mirëpo realisht ne e kemi bazën amerikane në Bondstill”, thotë Islami

“Unë besoj se duke pasur parasysh që në territorin e Kosovës janë të vendosura trupat e KFOR-it që është derivat i aleancës veri-atlantike, besoj që në momentin kur Kosova të jetë pjesë e aleancës veri-atlantike, atëherë do të legalizohet dhe do të jetë një bazë ushtarake amerikane në vendin tonë”, u shpreh Islami, raporton Ekonomia Online.

E ish-koloneli i Forcës së Sigurisë së Kosovës, Afrim Veseli, thotë se një bazë e tillë në Kosovë ajo ekziston.

Veseli thotë se ShBA-ja mbetet aleat kryesor i Kosovës, ndërsa ka edhe një kërkesë për ministrin Mehaj.

“Kjo kërkesë është e tanishme. Këtë kërkesë Kosova e ka pasur gjithmonë që nga viti 1999 dhe çdo shqiptar i Kosovës ka dëshirë që ta ketë Amerika një bazë. Ne e kemi Bonstillin që nga 99-ta që është vendos dhe e dimë historinë. Ministri Mehaj ka ardhë vonë në Kosovë, e dimë sesi ka shkuar ai proces, dhe Shtetet e Bashkuara të Amerikës janë partnerë aleat numër një i Kosovës dhe i FSK-së. Unë e kisha sugjeruar ministrin Mehaj të merret më shumë me Ministri dhe me FSK-në. Kur ka ardh në pozitë si ministër, pati premtuar që do t’ua rrit pagat pjesëtarëve, gjë që nuk ndodhi deri më sot, dhe ata kanë pritur me padurim sepse i kanë besuar fjalës tij, mirëpo ajo nuk ka ndodhur deri më tani”, u shpreh ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë