“Zëra të Kosovës në Manchester”, 30 rrëfime të refugjatëve nga Kosova

Në kuadër të javës së bibliotekës kombëtare “Musine Kokalari, vetëdija e shkrimit dhe qëndresës”, në Bibliotekën Kombëtare të Kosovës është hapur ekspozita “Zëra të Kosovës në Manchester”, e cila dokumenton përjetimet e kosovarëve në rajon që nga viti 1999.

Ekspozita fillimisht është hapur në Manchester dhe rrëfimet e këtyre refugjatëve kosovarëve janë bërë pjesë edhe e bibliotekës qendrore të Manchesterit.

Udhëheqësja e organizatës “Ndihma e Manchesterit në Kosovë”, Pamela Dawes tha se është e lumtur që këto rrëfime t’ia dhurojë Bibliotekës Kombëtare, ndërkaq shtoi se do të donte që këto rrëfime një ditë të ekspozohen edhe në Beograd.