Loading…

Elon Musk zbulon pse më nuk do të votojë Demokratët e pse tash voton Republikanët

  • 19/05/2022 | 18:13

Elon Musk zbulon pse më nuk do të votojë Demokratët e pse tash voton Republikanët

Miliarderi Elon Musk vazhdoi të mërkurën të shpjegojë komentet që i ka bërë në fillim të javës rreth votimit për partinë republikane në zgjedhjet e nëntorit, duke shtuar se ai më nuk mundet të votojë partinë demokratike pasi është e konsumuar me urrejtje, transmeton Gazeta Metro.


Të martën miliarderi amerikan që është në vëmendjen e publikut amerikan pasi bleu rrjetin social Twitter dhe për kritikat e vazhdueshme ndaj partisë demokratike dhe administratës Biden. Ai të martën tha se “unë në shumicën e rasteve kam votuar për demokratët. Nejse, të jem i saktë, nuk jam i sigurt se kam votuar ndonjëherë për Republikanët. Tani në këto zgjedhje, do të votoj për ta”.

Musk kishte shtuar se Demokratët janë të kontrolluara nga sindikatat, për të cilat tha se janë “vetëm një formë tjetër e monopolit”.

Ai të mërkurën shpjegoi pse kishte votuar për Demokratët në zgjedhjet e kaluar dhe pse nuk mund t’i mbështesë në të ardhmen.

“Në të kaluarën kam votuar për demokratët, pasi ishin partia (në shumicën e kohës) e mirësisë. Por tani janë shndërruar në parti të ndasive & urrejtjes, kështu që më nuk mund t’i mbështes ata dhe do t’i votoj Republikanët. Tash, pritni shpalosjen e fushatës së truqeve të tyre të pista kundër meje” kishte shkruar ai në Twitter.

Thumbimi i Musk si duket ‘goditi në shenjë’ siç tha edhe vet të enjten në një tjetër koment në Twitter, pasi pati reagime të ashpra ndaj tij.

“Sipas kësaj rrjedhe të paepur të urrejtjes nga e majta ekstreme, ky komenti i imi ka goditur në shenjë” ka shkruar ai të enjten.

Musk kishte folur edhe për çështje politike pashmangshëm pas blerjes së platformës së Twitter, një hapësirë publike e debatit që gjatë kohë e kritikuar për anim majtas, madje edhe censurim të të djathtës. Vet blerësi Elon Musk e ka kritikuar për këtë dhe ka premtuar se kjo do të ndryshojë.

“Megjithëse mendoj se një kandidat më pak përçarës do të ishte më i mirë më 2024’n, ende mendoj se Trump do të duhej të kthehej në Twitter”. Ai kishte shtuar më vonë  se “gabimi i Biden është se ai mendon se është zgjedhur për të transformuar vendin, por aktualisht të gjithë duan vetëm më pak dramë”.

Musk kishte thënë si përgjigje ndaj kritikave se nuk po e blen Twitter e djathta por të moderuarit e qendrës të të dyja krahëve, dhe në Twitter e prirë nga ai as republikanët e as demokratët nuk do të mbeten të kënaqur./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë