Emmy 2026: Rekorde, ndryshime dhe yjet e ekranit në garë për çmimet prestigjioze

Ceremonia e 78-të e çmimeve Emmy pritet të sjellë një garë të fortë mes serialeve dhe aktorëve më të spikatur të televizionit, ndërsa edicioni i këtij viti shoqërohet edhe me disa ndryshime organizative.

Një pjesë e kategorive të miniserive janë zhvendosur në ceremoninë e Creative Arts Emmy, vendim që ka nxitur reagime nga sindikatat e Hollywood-it.

Në kategorinë e komedisë, “Hacks” dhe “Widow’s Bay” mund të sfidojnë rekordin prej 13 çmimesh të vendosur vitin e kaluar nga “The Studio”.

Edicioni i këtij viti mund të sjellë edhe momente historike. Harrison Ford, Martin Short, Sally Field dhe Stephen Root mund të bëhen ndër aktorët më të moshuar që fitojnë Emmy në kategoritë e tyre.

Ndërkohë, Dakota dhe Elle Fanning kanë mundësinë të bëhen motrat e para që fitojnë çmime Emmy për aktrim në të njëjtin vit.

Colman Domingo, Laurie Metcalf, Jason Bateman, Nick Offerman dhe Matthew Rhys janë ndër emrat që kanë marrë nga dy nominime dhe mund të hyjnë në historinë e çmimeve nëse triumfojnë në të dyja kategoritë.