Loading…

Ermal Krasniqi ‘i lë pa fjalë’ aksionarin dhe trajnerin e Cluj: Përrallor, shpresoj mos ta shesim shpejt

  • 24/01/2023 | 12:17

Ermal Krasniqi ‘i lë pa fjalë’ aksionarin dhe trajnerin e Cluj: Përrallor, shpresoj mos ta shesim shpejt

Një nga aksionarët e CFR Cluj, Stefan Gadola dhe trajneri, Dan Petrescu kanë thurur elozhe për Ermal Krasniqin pas paraqitjes së shkëlqyeshme mbrëmë kundër Farul Constanta në fitoren me rezultat 0-3, transmeton Gazeta Metro.


Krasniqi ishte një nga lojtarët më meritor për këtë fitore pasi që hapi serinë e golave dhe asistoi në golin e tretë. Ndërkaq, kjo fitore e ka befasuar aksionarin e klubit Stefan Gadola.

Ai ka thënë se 24-vjeçari ishte ”përrallor” dhe e përgëzoi trajnerin Dan Petrescu për transferimin e tij.

”E përgëzoj Dan Petrescu, ai ishte i veçantë. Ishin gola shumë të bukur. Krasniqi ishte përrallor. Kjo do të thotë të jesh profesionit, e kam fjalën për drejtorët tanë që propozojnë pastaj Dan dhe Nelutu Varga (pronari) japin pëlqimin,” tha ai.

Në anën tjetër, Petrescu ka një ‘hall’ vetëm pak ditë pasi u zyrtarizua Ermal Krasniqi te skuadra rumune. Ai shpreson që nuk do ta shesin shpejt futbollistin kosovar.

”Ishte një gol i jashtëzakonshëm nga një lojtar që nuk më befason. Më së shumti e kam dashur transferimin e Krasniqit. E njoh, shpresoj të mos e shesim shpejt.”

”Nëse vjen një ofertë e madhe dhe nuk kemi çfarë të bëjmë, në rregull, por do të doja ta stërvitja më shumë. Kishte shumë skuadra që ishin të mërzitur për humbjen e tij. Një karakter i jashtëzakonshëm, i denjë,” tha ai pas ndeshjes.

Kujtojmë se klubi i Ballkanit nga shitja e Krasniqit fitoi 300 mijë euro dhe mbajti 15% të kartonit të futbollistit.

Këtu mund të shikoni golin dhe asistimin e Ermal Krasniqit mbrëmë ndaj Farul Constanta të publikuar nga menaxheri i tij, Kastriot Telaku. /gazetametro.net

‘Si një vetëtimë, lojtar shumë i mirë’: Ermal Krasniqi vlerësohet lartë në Rumani

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë