Loading…

‘Është grua djallëzore, i shkrova Ronaldos’, familjarët kundër Georgina Rodriguez

  • 29/01/2022 | 09:41

‘Është grua djallëzore, i shkrova Ronaldos’, familjarët kundër Georgina Rodriguez

Në fund të janarit, në Netflix do të publikohet dokumentari i Georgina Rodriguez, partneres së Cristiano Ronaldos, ku do të tregohen detaje të panjohura të jetës së saj.


Por, kur duhen dhe pak ditë nga shfaqja e dokumentarit, “The Sun” sjell disa deklarata shumë të ashpra nga daja i saj Jesus, i cili thotë se Georgina është “grua djallëzore”.

“Ndoshta i vjen turp nga ne dhe kujton se është më e mirë sesa ne për faktin që nuk kemi jetuar në luks. Por, unë kurrë nuk i kam kërkuar gjë asaj. Ka telefonuar vetëm dy herë që kur doli lajmi se është lidhur me Cristianon. Unë e kam rritur atë dhe motrën e saj, i kam blerë rroba, i kam paguar dritat dhe ujin. Jetoi me mua deri në adoleshencë, pasi babai i saj u fut në burg për drogë”, tregon daja.

Më tej, Jesus thotë se Georgina as nuk lajmëroi kur vdiq i ati, në vitin 2019: “Nuk e di pse nuk na njoftoi. Kur e mora vesh, u përpoqa të lidhesha me të, por nuk ktheu përgjigje. I shkrova Cristianos në Facebook dhe i thashë që ka një grua djallëzore në krah”.

Edhe motra Patricia ka folur për marrëdhënien e saj me Georgina, duke kujtuar një episod: “Kishte ditëlindjen djali im dhe i kërkova një fanelë të firmosur nga Cristiano, por më tha që nuk ishte e mundur, pasi nuk donte të bezdiste Cristianon sepse ai ishte me pushime”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë