Eskalimi në kufi, Senatorja Shaheen: Të dy udhëheqësit të punojnë me SHBA e BE për t’i dhënë përparësi përpjekjeve diplomatike

Senatorj Amerikane Jeanne Shaheen ka reaguar pas paralajmërimeve të sotme të SHBA-së se forcat serbe kanë shtuar numrin e tyre në kufi me Republikën e Kosovës.

Shaheen ka thënë se po e ndjek nga afër këtë situatë dhe ka bërë thirrje që Kosova dhe Serbia të punojnë ngushtë me SHBA-në dhe BE-në për t’iu dhënë përparësi përpjekjeve diplomatike që do të shmangnin dhunën e mëtejshme dhe do të ktheheshin në dialogun e lehtësuar nga BE-ja.

Ajo ka thënë se nuk mund të lejohet më që jetë të pafajshme të paguajnë çmimin e paralizës politike.

“Unë po e ndjek nga afër këtë situatë. Të dy udhëheqësit duhet të punojnë me Shtetet e Bashkuara dhe Bashkimin Evropian për t’i dhënë përparësi përpjekjeve diplomatike që do të shmangnin dhunën e mëtejshme dhe do të ktheheshin në Dialogun e lehtësuar nga BE-ja për të çuar përpara normalizimin pa vonesë. Nuk mund të lejojmë më jetë të pafajshme të paguajnë çmimin e paralizës politike”, ka shkruar ajo.

I’m monitoring this situation closely. Both leaders should work with the United States and European Union to prioritize diplomatic efforts that would avoid further violence and return to the EU-facilitated Dialogue to advance normalization without delay. We cannot let any more… https://t.co/unjUOhZ1uL

— Sen. Jeanne Shaheen (@SenatorShaheen) September 29, 2023