Euro 2020; Derbi britanik mes Anglisë dhe Skocisë, formacionet e mundshme

Anglia do të synojë që të regjistrojë fitoren e dytë radhazi këtë Kampionat Evropian, ku e pret në shtëpi, në stadiumin “Wembley”, Kombëtaren e Skocisë.

“Tre Luanët”, e filluan kampanjën e Euro 2020 me fitore minimale 1:0 kundër Kroacisë, kurse Skocia pësoi humbje prej 2:0 kundër Republikës së Çekisë, përcjell KosovaPress.

Fakt interesant është që kjo do të jetë ndeshja e 33 në stadiumin “Wembley”, ku në 32 prej tyre gjithmonë ka pasur gola.

Në Grupin D, Anglia zë vendin e dytë në tabelë me 3 pikë, aq sa ka edhe Republika e Çekisë në vendin e parë, kurse Skocia pozicionohet e fundit me asnjë pikë.

Tek Kombëtarja e Anglisë në dyshim për t’u paraqitur është Jack Grealish, kurse tek Skocia, mbrojtësi i majtë i Arsenalit, Kieran Tierney.

Formacionet e mundshme i gjeni më poshtë.

Anglia (4-3-3): Pickford; Walker, Stones, Mings, Shaw; Phillips, Rice, Mount; Sterling, Kane, Foden

Skocia (3-5-2): Marshall; Hendry, Hanley, Tierney; O’Donnell, McTominay, Armstrong, McGinn, Robertson; Dykes, Adams

Grupi D

21:00 Anglia – Skocia (Stadiumi Wembley)