Loading…

Facebook dhe Google bashkë kundër lajmeve të rrejshme në Francë

  • 07/02/2017 | 09:34

Facebook dhe Google bashkë kundër lajmeve të rrejshme në Francë

Gazetarët francezë janë bërë bashkë me gjigantët amerikanë të internetit Google dhe Facebook për të luftuar propagandën dhe dezinformatat online në Francë, në një kohë kur afrohen zgjedhjet presidenciale në vend, transmeton gazetametro.net


Facebook thotë se do të punojë me disa prej organizatave më të njohura mediatike në Francë, si Agence France Presse, BFM TV, L’Express dhe Le Monde për tu siguruar se lajmet e rreme nuk do të publikohen në këtë platformë.

Facebook u përball me kritika se nuk bëri sa duhej për të shmangur lajmet e rreme gjatë fushatës presidenciale në Shtetet e Bashkuara, dhe është përgjigjur se po merr masa për të zgjidhur problemin, transmeton gazetametro.net.

Gjithashtu ka pasur shqetësime të ngjashme se kjo gjë mund të ndodh dhe në zgjedhjet në Francë që zhvillohen në prill dhe maj.

Në SHBA, Facebook thotë se përdoruesit mund të gjejnë shumë lehtë lajmet e rreme, dhe se po punon me organizata si Snopes, faqja e kërkimit të fakteve, ABC News dhe Associated Press për të gjetur autorsin  e lajmit.

Muajin e kaluar, Facebook nisi iniciativën kundër lajmeve të rreme dhe në Gjermani ku zyrtarët e qeverisë kanë shprehur shqetësimin se lajmet e rreme dhe “fjalimet urryese” në internet mund të ndikojnë në zgjedhjet parlamentare të shtatorit ku Angela Merkel do të kërkojë mandatin e katërt në zyrë./gazetametro.net

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë