Loading…

Fëmijët e luftëtarëve britanikë që janë pjesë e ISIS-it nuk do lejohen të kthehen më në vendin e tyre

  • 13/08/2019 | 11:12

Fëmijët e luftëtarëve britanikë që janë pjesë e ISIS-it nuk do lejohen të kthehen më në vendin e tyre

Fëmijët e luftëtarëve britanikë të ISIS-it të ndodhur në luftime në Siri do të lihen në dorë të fatit  sepse operacionet e shpëtimit do të ishin ‘shumë të rrezikshme’ shkruan Gazeta Metro.


Pasardhësit e luftëtarëve britanikë të ISIS, të mbërthyer në zonat e luftës, do të lihen në dorë të fatit të tyre sepse është shumë e rrezikshme për t’i shpëtuar ata, kështu ka vendosur qeveria britaneze.Vendimi u mor nga sekretari i atëhershëm i Brendshëm Sajid Javid e që ishte njëherazi akti i tij i fundit përpara kalimit të tij në Kancelar.

Krahas rrezikut për shpëtimtarët, ekzistonte gjithashtu shqetësimi që prindërit të cilëve u ishte hequr nënshtetësia mund të përdorin fëmijët e tyre të riatdhesuar për të kërkuar shtetësinë britanike sipas ligjeve për të drejtat e njeriut. Vendimi, i zbuluar nga The Times, ka të ngjarë të nxis kritika nga organizatat e fëmijëve duke argumentuar se të rinjtë e pafajshëm nuk duhet të paguajnë për gabimet e prindërve të tyre.

Debatet rreth asaj që duhet të bëjnë me fëmijët e xhihadistëve dolën në pah në Mars, pas vdekjes së djalit të gruas në ISIS  Shamima Begum.Foshnja, e quajtur Jerah, vdiq pasi pësoi vështirësi në frymëmarrje dhe një infeksion të mushkërive menjëherë pasi Begum hoqi dorë nga shtetësia e saj britanike.

Begum ishte 15 vjeç kur ajo dhe dy nxënëse të tjera u larguan nga Mbretëria e Bashkuar për t’u anëtarësuar në Shtetin Islamik në shkurt 2015. Rreth 900 qytetarë britanikë u larguan nga Britania për t’u bashkuar me ISIS-in, prej të cilëve 400 besohet se janë kthyer.Nuk ka shifra të sakta për numrin e fëmijëve që ka mbetur atje.ISIS ishte i njohur për të përdorur fëmijë si luftëtarë, me disa nga video propaganduese të grupit terror që tregonin se po kryenin ekzekutime.

Një zëdhënës i Zyrës së Jashtme tha: ‘Qeveria është e vetëdijshme që ka të mitur të vendit britanik në kampe të personave të zhvendosur brenda vendit në Siri, të cilët për shkak të moshës, janë viktima të pafajshme të konfliktit.’Ne shikojmë në çdo rast të vetëm ku kërkohet ndihmë por ky proces nuk është i drejtpërdrejtë. Ne jemi donatorët e dytë më të mëdhenj dypalësh për ata në kampe. Por duhet të jemi të qartë se ka gjëra që nuk mund t’i bëjmë sepse nuk kemi një prani konsullore brenda Sirisë. Sekretari i Jashtëm deklaroi gjithashtu se ai nuk do të rrezikojë jetën e nëpunësve civilë./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë