Loading…

Fenerbahce ‘e humb’ durimin për Vedat Muriqin, hedh sytë te një sulmues tjetër

  • 05/07/2022 | 17:04

Fenerbahce ‘e humb’ durimin për Vedat Muriqin, hedh sytë te një sulmues tjetër

Siç duket skuadra e Fenerbahces ka humbur durimin për të arritur një marrëveshje me sulmuesin e Kombëtares së Kosovës, Vedat Muriqi. Klubi turk besohet se është afër marrëveshjes me sulmuesin norvegjez, Joshua King, transmeton Gazeta Metro.


Përveç rivalitet të madh që kanë ndërmjet tyre në fushë, dy skuadrat turke Galatasaray dhe Fenerbahce janë duke ‘luftuar’ me njëra-tjetrën për të siguruar shërbimet e gjigantit kosovar.

Por, çmimi i lartë që po kërkon Lazio kanë bërë drejtuesit e Fenerbahces të mendojnë për ndonjë opsion tjetër dhe mos ta rikthejnë në skuadër Vedat Muriqin.

Siç raportojnë mediumet turke drejtuesit e Fenerbahces janë takuar ditët e fundit me menaxherin e sulmuesit, Joshua King në Stamboll dhe mësohet se kanë mbetur vetëm edhe disa detaje të vogla për të përfunduar marrëveshjen.

Norvegjezi 30-vjeçar sezonin e kaluar u paraqit me Watford, klub me të cilin i përfundoi kontrata në fund të qershorit. Ai stinorin e kaluar shënoi pesë gola dhe dhuroi tre asistime në 32 ndeshje në Premier League./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë