Osmani pranoi favorin për Kurtin me datën e zgjedhjeve, Tahiri: Sinkronizim kundër opozitës

Presidentja e Kosovës, Vjosa Osmani, pranoi se ka vendosur 28 dhjetorin si datë për zgjedhjet, sipas dëshirës së Lëvizjes Vetëvendosje, transmeton Gazeta Metro.

Shefi i Grupit Parlamentar të AAK, Besnik Tahiri, e ka konsideruar veprimin e presidentes si të papranueshëm dhe në përputhje me interesat elektorale të Kryeministrit Albin Kurti.

“Për mua është bukur shokuese të dëgjoj se Presidentja Vjosa Osmani kishte vepruar në sinkronizim të plotë kundër opozitës, duke i shërbyer kauzës elektorale të Albin Kurtit. Vendimi për datën e zgjedhjeve, 28 dhjetor 2025, ishte pikërisht data e kërkuar nga Kurti, ndonëse kundërshtohej nga partitë opozitare” shkroi Tahiri./gazetametro.net