FIFA ‘fërkon duart’, shkon drejt një rekordi të ardhurash, 15 miliardë dollarë

FIFA ‘fërkon duart’ pasi pret që nga ky botëror të regjistrojë një rekord të ardhurash që mund të kapë kufirin e 15 miliardë dollarëve(13 miliardë euro), një shifër kjo që është më e lartë nga vlerësimi i bërë prej 11 miliardë dollarë(9.6 miliardë euro).

Lajmi bëhet i ditur nga e përditshmja britanike ‘The Guardian’ sipas së cilës kjo rritje u ndikua nga tregu dytësor i rishitjes së biletave nga të cilat FIFA mban komisione prej 15% si nga blerësi ashtu edhe nga shitësi dhe nga biletat që përfshijnë shërbimet premium.

Sipas të përditshmes britanike, duke qenë se ka mundësi që federatat kombëtare do të përfitojnë nga rritja e fondeve  të përcaktuara për to nga FIFA, kjo do të reflektohet pozitivisht edhe në pozicionin e presidentit të qeverisë së futbollit botëror, Gianni Infantino, sidomos atyre që e preferojnë më pak.

Për më tepër, gjithnjë sipas The Guardian, tashmë janë 200 federata, dmth praktikisht të gjitha që e kanë dhënë mbështetjen e tyre për Infantinon në prag të rizgjedhjes së tij në postin e presidentit të FIFA.

Po kështu, thekson e përditshmja britanike, suksesi i eventit përforcon edhe hipotezën që SHBA të kthehen të presin një tjetër botëror në një të ardhme të afërt. Edicionet e 2030 (Marok, Spanjë e Portugali) dhe të 2034 (Arabia Saudita) janë përcaktuar tashmë, por për 2038 gjithcka është në dyshim dhe SHBA mund të aspirojnë dhe të vendosin kandidaturën e tyre.