Fillojnë hetimet për ata që dhanë pamjet në rastin Dehari

Avokati i familjes Dehari, në rastin e vdekjes së Astrit Dehari, Tomë Gashi sot ka dorëzuar padinë për publikimin e pamjeve mbrëmë në medie nga ndodhitë brenda burgut dhe korridorit ku ndodhej qelia e Deharit.

Ai këtë e ka paralajmëruar mbrëmë, menjëherë pas publikimeve të pamjeve, nëpërmes një komunikimi për Koha.net.

E sot menjëherë Prokuroria e Shteti ka filluar hetimin e personave, prej të cilëve kanë rrjedhur pamjet.

Nëpërmjet rrjetit social Facebook, Gashi bën të ditur se prokurori i shtetit Besim Kelmendi i ka dhënë përgjigje pozitive për kallëzimin penal që Gashi si përfaqësues ligjor i familjes Dehari paraqiti në prokurori.

“Pas ushtrimit të kallëzimit penal kundër personave përgjegjës për rastin e publikimit në media të video incizimeve nga Qendra e Paraburgimit në Prizren, Prokurori i shtetit përgjigjet pozitivisht”, ka njoftuar Gashi.