Filmi “Eho” i Dren Zherkës në Festivalin e Filmit në Paris

Filmi ‘Eho’ i regjisorit Dren Zherkës, dhe producentit  Alban Zogjani do të shfaqet edhe në festivalin ÉCU-The European Independent Film Festival 2017.

Këtë informacion e ka bërë të ditur vetë Zherka, në rrjetin social Facebook, edhe ka treguar se ku do të mbahet, duke i ftuar të gjithë ata që kanë mundësi të vijnë e ta shohin.

“EHO do shfaqet në Paris në festivalin ÉCU që mbahet gjatë datave 21-23 Prill. Shpresoj të shoh ndonjërin nga ju në Paris, dhe shpërndajeni nëse dini ndonjë të interesuar”, tha shkruar Dren Zherka

‘Eho’ është filmi debutues i Dren Zherkës ku në rolet kryesore janë Selman Jusufi dhe Klara Höfels ndërsa ekipi realizues është kosovar dhe gjerman.

Filmi flet për humbjen, vetminë, dhe për një lidhje të pashprehur që i bashkon dy prindërit në moshë, larg nga njëri-tjetri, përmes një aksidenti fatal.

Një grua në Gjermani fillon udhëtimin dhe eksplorimin e jetës së emigrantit ilegal, dhe në vend të kësaj gjen dhimbjen dhe vetminë e saj; një njeri të moshuar në Kosovë që humbja dhe vetmia e kanë sjell në fund të udhëtimit të tij.

‘Eho’ është realizuar nga kompania filmike ‘ASHA’ dhe ‘MAGUSfilms’ dhe është i mbështetur nga Qendra Kinematografike e Kosovës. /gazetametro.net