Finalja e Superkupës, Trepça dhe Bashkimi në garë për trofeun e madh

Trepça dhe Bashkimi do të përballen sonte në finalen e Superkupës së Kosovës në basketboll, në një duel që pritet të sjellë përballje të fortë për trofeun.

Skuadra nga Mitrovica dhe ajo nga Prizreni do të matin forcat në finalen e këtij kompeticioni, me synimin për të nisur sezonin me një trofe.

Ndeshja do të zhvillohet në Palestrën “Mizahir Isma” në Rahovec, duke filluar nga ora 19:00.

Përballja mes Trepçës dhe Bashkimit do të transmetohet drejtpërdrejt në Artmotion, në kanalin Sport 2.

Të dyja skuadrat synojnë triumfin në një prej dueleve më të rëndësishme të basketbollit kosovar.