Loading…

Flasin inxhinierët e NASA’s: Të lumtur për suksesin e zbarkimit të sondës në mars

  • 23/02/2021 | 15:56

Flasin inxhinierët e NASA’s: Të lumtur për suksesin e zbarkimit të sondës në mars

Agjencia amerikane e Hapësirës (NASA) ka publikuar një video të zbarkimit të sondës Perseverance në Mars javën e kaluar, incizim që ka gëzuar inxhinierët mbrapa fluturimit për kualitetin e lartë të materialit, për dallim nga fotografitë e siguruara në misionet në të kaluarën.


“Këto video dhe këto fotografi janë pjesë e ëndërrave tona”, ka thënë Al Chen, i cili ka qenë i angazhuar në ekipin për zbarkim të sondës.

Gjashtë kamera ishte planifikuar të regjistronin zbarkimin e sondës në Mars më 18 shkurt. Vetëm një prej kamerave në fund ka punuar. Një mikrofon, që është lëshuar për lançim, po ashtu ka dështuar, mirëpo NASA ka siguruar disa incizime pas lëshimit, të cilat i ka prezantuar në publik.

Në video shihet parashuta portokalli dhe bardhë duke u hapur në sipërfaqen e Marsit dhe duke iu afruar secilën herë e më shumë pluhurit të kuq. Sonda Perseverance është ulur pranë një delte antike të lumit në kraterin Jezero, për të kërkuar shenja të jetës antike mikroskopike.

Sonda do të qëndrojë në Mars për dy vjet për të gjurmuar për dëshmi potenciale të jetës atje. Sonda Perseverance ka më shumë kamera sesa secili mision më parë – në total 25. Thomas Zurbuchen, shef i misionit shkencor të NASA-s, ka thënë se pamjet panoramike, që janë siguruar pas lançimit, janë “më të afërtat që mund të ekzistojnë pasi të lëshoheni në Mars, pa pasur të veshur kostumin e presionit.”

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë