Loading…

Flet drejtori i shkollës në Gjakovë, që u kërcënua nga prindi i një nxënësi me vrasje

  • 02/12/2021 | 08:10

Flet drejtori i shkollës në Gjakovë, që u kërcënua nga prindi i një nxënësi me vrasje

Drejtori i shkollës ‘Yll Morina’ në Gjakovë, Berat Bejtullahu, ka thënë se është kërcënuar me jetë nga një prind i një nxënësi në shkollën e tij, transmeton Gazeta Metro.


Bejtullahu theksoi se kjo ka ndodhur për shkak të një dëmi, të cilin e ka shkaktuar fëmija i tij. I njëjti fillimisht kishte pranuar ta riparojë dëmin, por pas një debati e kishte ndryshuar mendjen.

“Kemi të bëjmë me një prind të një nxënësi, i cili ka shkaktuar dëm në shkollë dhe pas një debati prindi më kërcënoi me vrasje për fajin e fëmijës së tij. Rastin më pas e kam paraqitur në polici”, ka thënë Bejtullahu.

“Nxënësi është me sjellje jo të mira, nuk është përjashtuar, ai vjen me rregull në shkollë, por prindi është ftuar për të diskutuar rreth riparimit apo rinovimit të dëmit që është bërë në shkollë. Nuk e ka pranuar fillimisht fajin e fëmijës së tij, mandej e ka pranuar, por pas një diskutimi, pas tre-katër orëve, me telefon, ka treguar këto sjellje, më ka ofenduar me fjalë dhe me vrasje”, ka thënë Bejtullahu për KlanKosova.

Bejtullahu tha që nuk ka kërkuar pagesë, por vetëm që prindi ta riparojë dëmin.

Ai theksoi gjithashtu se me të njëjtin prind kishte pasur probleme edhe me fëmijën tjetër të tij, që ka qenë më parë në këtë shkollë.

“Sot e mora vesh se me të njëjtin prind kemi pasur problem edhe me fëmijën tjetër të tij, që është tre vjet më i vjetër, ka tre vjet që të njëjtin prind nuk e kam kontaktuar, por që prindi gjithmonë ka deklaruar se fëmija nuk do të sjellë probleme, por të njëjtat probleme janë duke na ndodhur”, tha ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë