Loading…

Fluks turistësh në Morinë, mbi 3 mijë persona hynë sot nga Kosova në Shqipëri

  • 14/05/2022 | 22:51

Fluks turistësh në Morinë, mbi 3 mijë persona hynë sot nga Kosova në Shqipëri

Në Pikën e Kalimit Kufitar të Morinës gjatë kësaj fundjave, ka patur fluks të shqiptarëve të Kosovës dhe shtetas të huaj, të cilët zgjedhin Shqipërinë si destinacion të preferuar turistik.


Prefekti i qarkut Kukës, Zenel Kuçana tha se ditët e fundit është parë një fluks i lartë i shtetasve të huaj që vizitojnë Shqipërinë.

Ai tha se vetëm sot në pikën kufitare të Morinës janë futur 3,230 shtetas dhe 1,421 mjete.

“Hyrje e shtetasve të huaj dhe shqiptar në pikën kufitare të Morinës nga ora 24:00 deri në orën 14:30 janë 3, 230 shtetas dhe 1,421 mjete, në dalje 3,345 shtetas dhe 1,497 mjete. Nga bashkëpunimi edhe me Policinë e Kosovës, është punuar me kapacitet të plotë dhe kalimi ka qenë i shpejtë dhe pa probleme”, tha Kuçana për ATSH-në.

Pushuesit nga Kosova vijojnë të zgjedhin bregdetin shqiptar për të kaluar fundjavën ku numri i tyre sa vjen e shtohet gjatë këtyre ditëve të majit. Pika kufitare e Morinës është një pikë shumë e rëndësishme duke qenë se përpunon numrin më të madh të vizitorëve gjatë vitit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë