FMN: Shqipëria me rritje ekonomike 3.4 për qind

Fondi Monetar Ndërkombëtar (FMN) publikoi raportin periodik për Europën Qendrore, Lindore dhe Juglindore, duke mbajtur të pandryshuar parashikimin për rritjen aktuale ekonomike të Shqipërisë me 3.4 për qind, ndërsa në vitin e ardhshëm, rritja pritet të përshpejtohet në 3.7 për qind.

Fondi Monetar Ndërkombëtar, projekton një normë inflacioni pranë 1.1 për qind gjatë vitit aktual, nga 1.9 për qind që projektonte në muajin maj.

Kryeministri Edi Rama në një status në Facebook, komenton raportin e FMN-së se, “dakordësia e plotë me FMN-në për projekt-buxhetin 2017 është një përgjigje shembullore”.