Loading…

Forbes: Shqipëria në mesin 30 vendeve me çmime të lira që duhet vizituar

  • 31/01/2017 | 12:48

Forbes: Shqipëria në mesin 30 vendeve me çmime të lira që duhet vizituar

Revista e famshme amerikane e biznesit, Forbes, ka bërë një listë me 30 vendet me çmime të lira, që duhet vizituar. Aty e ka futur edhe Shqipërinë si një destinacion që nuk duhet humbur, përcjellë gazetametro.net.


Forbes duke përshkruar Shqipërinë, shkruan se ky cep i harruar i Evropës është një destinacion i mrekullueshëm dhe shumë i lirë në një kontinent ku destinacionet turistike janë shumë të shtrenjta.

Me plazhe fantastike përgjatë bregdetit, duke përfshirë edhe portin e peshkimit të Sarandës, Shqipëria u jep vizitorëve mundësinë për të shijuar ujërat e Mesdheut për çmime shumë të volitshme, vazhdon Forbes.

Akomodime sipas kësaj reviste amerikane fillojnë nga 5 dollar për person.

Përveç bregdetit, përmendet edhe fakti se në Shqipëri ka vende interesante historike, të cilat për t’i vizituar nuk duhet paguar më shumë se sa 2 deri në 5 dollarë hyrjen.

Forbes e mbyll rekomandimin për Shqipërinë, duke shkruar se atje mund të filloni vizitën nga qyteti mesjetar i Gjirokastrës e deri te rrënojat romake të Butrintit, vende më ndryshe nga pjesa tjetër e Evropës, të cilat definitivisht ja vlenë për t’i vizituar. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë