Loading…

Formohet Qeveria e re e Malit të Zi, zv.kryeministër Dritan Abazoviq

  • 04/12/2020 | 18:02

Formohet Qeveria e re e Malit të Zi, zv.kryeministër Dritan Abazoviq

Me votat e 41 deputetëve, nga gjithsej 81 në Parlamentin e Malit të Zi, u zgjodh Qeveria e re e kryesuar nga Zdravko Krivokapiq.


Qeveria e re malazeze është e para që prej tri dekadash është formuar pa Partinë Demokratike të Socialistëve (DPS) të Milo Gjukanoviqit, që u mund në zgjedhjet e 30 gushtit të këtij viti.

Në zgjedhjet e 3 gushtit, kryeministri i sapozgjedhur, si një person jopartiak, ishte bartësi i tri koalicioneve që fituan pushtetin, i cili përbëhet kryesisht nga Fronti Demokratik Pro-Serb.

Kryeministri i sapozgjedhur, Krivokapiq, njoftoi para betimit, se Qeveria e tij përgjatë mandatit prej katër vjetësh, do të përfaqësojë zbatimin e demokracisë së drejtpërdrejtë.

Zdravko Krivokapiq është zgjedhur kryeministri i ri i Malit të Zi. Në seancë morën pjesë 70 deputetë, ku 41 prej tyre votuan për, 28 kundër dhe një ka abstenuar.

“Betohem që detyrën do ta kryej sipas Kushtetutës dhe ligjeve me nderë dhe përgjegjësi. Zoti më ndihmoftë”, ishin fjalët e para të shefit të ri të qeverisë në Mal të Zi.

E pas betimit, kryeministri falënderoi deputetët për përkrahjen dhe tha se puna e tyre e përbashkët do të jetë në interes të shtetit të Malit të Zi.

Më poshtë ju sjellin emrat e ministrave të qeverisë së re në Mal të Zi:

Zëvendëskryeministër, Dritan Abazoviq

Ministre e Administratës Publike, Tamar Srzentiq

Ministër i Ambientit dhe Planifikimit Hapësinor, Ratko Mitroviq

Ministër i Punëve të Brendshme, Sergej Sekuloviq

Ministre e Mbrojtjes, Oliver Injac

Ministër i Punëve të Jashtme, Xhorxhe Raduloviq

Ministër i Zhvillimit Ekonomik, Jakov Millatoviq

Ministër i Investimeve Kapitale, Mlladen Bojaniq

Ministër i Bujqësisë dhe Pylltarisë, Alleksandar Stijoviq

Ministre e Shkencës, Kulturës dhe Sportit, Vesna Bratiq

Ministre e Shëndetësisë, Jellena Boroviniq Bojoviq

Ministër i Drejtësisë, Vlladimir Leposaviq

Ministër i Financave, Millojko Spajiq.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë