Franca e Shqipëria mirren vesh për sigurinë dhe mbrojtjen

Gjatë vizitës së kryeministrit të Shqipërisë, Edi Rama, të martën në Paris, dy qeveritë kanë nënshkruar një sërë marrëveshjesh, të cilat ngrenë kuadrin e bashkëpunimit dypalësh Shqipëri – Francë në nivel strategjik.

Kryeministri Rama shoqërohej në këtë vizitë nga ministri i Jashtëm, Ditmir Bushati, shkruan Koha Ditore.

Gjatë bashkëbisedimeve me autoritetet franceze palët patën mundësinë të konfirmojnë marrëdhënien speciale midis Shqipërisë dhe Francës, si dhe rëndësinë e bashkëveprimit afatgjatë midis dy vendeve në fushën e sundimit të ligjit, mbrojtjes dhe sigurisë, në rrafshin dypalësh, rajonal dhe më gjerë.