‘Franca nuk i merr seriozisht shqiptarët në Ballkan’
-
02/03/2017 | 10:49
Anëtari i Kryesisë së AAK-së, Anton Berisha ka thënë se shtyrja e vendimit për lirimin dhe mbajtja në Francë edhe për një muaj e kreut të kësaj partie, Ramush Haradinajt është vendim politik, dhe tregues se Franca nuk është duke e marrë seriozisht faktorin shqiptar në Ballkan.
Siç është shprehur Berisha “për këtë, jemi fajtorë edhe ne vet, ngase nuk po arrijmë te faktorizohemi, kështu qe Serbia ndërhyn në çështjet e brendshme të shtetit te Kosovës, Mali i Zi hyn ne territorin tonë, Maqedonia shpërfillë shqiptarët”.
Ai është shprehur se Evropa, si në rastin e Francës, bën sehire e na mbanë ligjërime se si ne shqiptarët duhet te pranojmë rolin e palës së dëmtuar dhe që duhet të vazhdojmë të bëjmë lëshime ndaj fqinjëve, raporton gazetametro.net
“Ka ardhur koha qe kësaj logjike t’i themi mjaft”, ka përfunduar Berisha. /gazetametro.net
