Fushatë sensibilizuese për Haradinajn

Përmes një slogani ‘Ramush Haradinaj është Kosova’, Aleanca për Ardhmërinë e Kosovës, ka mbledhur artistë të ndryshëm në shenjë sensibilizimit të opinionit dhe solidarizimit përmes artit dhe politikës.

Ekspozita është hapur sot në Biblotekën Kombëtare “Pjetër Bogdani”, ku janë prezantuar rreth 40 piktorë të cilët për një afat 4-5 ditor janë paraqitur vullnetarisht për të përkrahur fushatën për Ramushin.

Kjo fushatë vie, pas ndalimit të ish-kryeministrit Ramush Haradinaj, më 4 janar nga autoritetet franceze në bazë të një fletë-arresti të Serbisë, derisa në seancën gjyqësore të mbajtur në Kolmar të Francës, Haradinaj është liruar me kusht./gazetametro.net