Gashi: Një biznes në Gjilan shet karburant më lirë se çmimet tavan të MINT’it, shpresoj mos të ndëshkohet

Eksperti i tregut të naftës, Jakup Gashi, ka reaguar për çmimet tavan të Ministrisë së Industrisë, Ndërmarrësisë dhe Tregtisë për naftën, përcjell Gazeta Metro. 

Sipas tij, një biznes është duke e sfiduar pushtetin kështu duke vendosur çmime më të lira se ato që i ka caktuar MINT.

“Vendimi i sotëm nga MINT (datë 29.07.2026) lidhur me çmimet tavan (maksimale) të karburanteve: Dizel: 1.74 € Benzinë: 1.53 € Ndërkohë, në Gjilan tek “Shaqa Petrol”, çmimet në treg janë: Euro Dizel: 1.67 € (7 centë më lirë se tavani i MINT) Euro Super: 1.46 € (7 centë më lirë se tavani i MINT) Shpresoj që MINT-i bashkë me Inspektoratin Qendror të mos u “bien në qafë” për shkak të këtyre çmimeve më të ulëta!”, ka shkruar ai.

Në muajin mars, MINTI-i kishte marrë vendim në lidhje me çmimet e derivateve, duke përcaktuar marzhën tregtare të fitimit të lejuar prej 2 centë për litër për shitjet me shumicë dhe 12 centë për litër për shitjet me pakicë./gazetametro.net