Loading…

Gazeta prestigjioze britanike i kushton një artikull Shefki Kuqit, pasi ky i fundit dëshiron ta drejtoj Kosovën U21

  • 26/11/2020 | 19:17

Gazeta prestigjioze britanike i kushton një artikull Shefki Kuqit, pasi ky i fundit dëshiron ta drejtoj Kosovën U21

Gazeta prestigjioze britanike, “Dailymail.co.uk”, i ka kushtuar një tekst ish-sulmuesit shqiptar, Shefki Kuqi. Ai pritet të bëhet menaxher i Kosovës U21 dhe për këtë i është kushtuar edhe shkrimi, shkruan Gazeta Metro. 


Shefki Kuqi pritet që të zë vendin e Rafet Prekazit dhe të bëhet selektor i Kosovës U21.

Në lidhje me këtë ka shkruar sot edhe gazeta prestigjioze britanike, “Dailymail.co.uk”. Kjo gazetë i ka bërë atij një profil dhe ka treguar për garën që i është futur ai.

Shefki Kuqi kishte një karrierë të gjatë në ligën angleze. Ai ka luajtur në Newcastle, Sheffield Wednesday, Ispwich dhe Crystal Palace.

Kuqi i cili është me prejardhje nga Kosova dhe ka origjinë shqiptare, të kaluarën kishte mbrojtur ngjyrat për Finlandën, transmeton Metro.

Ndërkaq së fundi ai po pretendon të bëhet trajner i Kosovës U21.

Mirëpo Federata e Futbollit të Kosovës (FFK), me 24 nëntor ka dalë me një sqarim se ende nuk është folur apo caktuar për trajnerin e ri të Kombëtares U21.

“Deri më tash Komiteti Ekzekutiv ende nuk është mbledhur për të analizuar punën e ekipeve kombëtare zingjirë dhe për të diskutuar rreth ndryshimeve eventuale. Fillimisht do të kërkohet raporti i punës nga menaxherët e ekipeve kombëtare dhe më pas do të ftohen për bisedë trajnerët e secilës grupmoshë. Sigurisht se aty ku vlerësohet se është e nevojshme të ketë ndryshime do të ndërmerren hapat e duhur, por tash për tash nuk është zhvilluar asnjë takim me asnjë prej emrave që përmenden në media.Është e vërtetë që Shefki Kuqi ka shprehur interesim për të dhënë kontributin e tij për futbollin e Kosovës, por krahas tij janë edhe 7-8 emra tjerë që po ashtu kanë shprehur interesim për të qenë pjesë e ekipeve kombëtare dhe KE i FFK-së do të analizojë mirë çdo gjë para se të vendosë për hapat konkret”, thuhej në sqarimin e FFK’së.

Kujtojmë që Kuqi kishte një karrierë të gjatë dhe kishte shënuar shumë gola. Vetëm me Finlandën ai kishte shënuar 62 gola në periudhën 1999-2010. /gazetametro.net

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë