Ballistik Rep: Mossi sulmoi gazetarin Pacolli

Gazetari i Nacionales, Burim Pacolli, u sulmua fizikisht në Prishtinë nga reperi Gramos Krasniqi, i njohur si “Mossi”, dhe disa persona të tjerë, përcjell Gazeta Metro.

Ngjarja ndodhi pranë rrethit të Interex, ndërsa Pacolli po kryente shërbimet e tij bankare.

Sulmi raportohet nga Nacionale se lidhet me analizat muzikore të Pacollit, ku ai renditi pesë “freestyle”-at më të fortë të reperit Meriton Mjekiqi.

Në këtë renditje, Pacolli përmendi edhe dy “diss”-a të reperit Betim Januzi, i njohur si Buta, ndaj Mossi-t, gjë që duket se shkaktoi reagimin e dhunshëm.

Pacolli është një gazetar i njohur për kritikën dhe analizat e tij muzikore./gazetametro.net