Deklaratat e Rasicit për pronat e Manastirit, Haradinaj: E ulët, po tregon fëmija çka ka shpia

Ramush Haradinaj, kryetari i Aleancës për Ardhmërinë e Kosovës (AAK), komentoi deklaratën e ministrit Nenad Rasic, që “Kurti për shkak të tij i kishte dhënë 24 hektarë Manastirit të Deçanit”, transmeton Gazeta Metro.

Haradinaj tha se ka pasur bazë ligjore, por vendimi i Gjykatës Kushtetuese nuk është zbatuar, me shpresë për ndonjë opsion në gjykatë ndërkombëtare.

“Më herët ka ekzistuar një vendim i Gjykatës Kushtetuese që është krijuar baza ligjore, por me shpresë të ndonjë gjykatë të re, përfshirë ndonjë gjykatë jashtë Kosove ku ka ndodhur ai zbatim i bartjes së pronës, ne kemi mbajtur shpresë të ndonjë opsioni me vazhdu betejën ligjore”, u shpreh ai në T7.

Duke komentuar deklaratën e Rashiq, Haradinaj tha: “Kjo që ndodhi me deklaratën e Nenad Rashiq, po tregon fëmijë çka ka shpia. Kjo është shumë e ulët”.

Ai theksoi rëndësinë e respektimit të vendimeve të Gjykatës Kushtetuese dhe e quajti deklaratën e ministrit si një veprim të papërshtatshëm dhe të ulët për debat politik./gazetametro.net