Osmani: Dekreti u konsultua me dhjetëra juristë, të gjithë ishin njëzëri

Presidentja e Kosovës, Vjosa Osmani, foli për dekretin që i është drejtuar Gjykatës Kushtetuese dhe ka sqaruar se vendimi nuk është marrë vetëm nga ajo, përcjell Gazeta Metro.

Ajo tha se për këtë çështje është konsultuar me shumë ekspertë ligjorë, brenda dhe jashtë kabinetit të saj.

“Ky nuk ka qenë një vendim që e kam marrë vetë, por pasi kam konsultuar dhjetëra juristë edhe nga kabineti im dhe jashtë tij. Të gjithë njëzëri e kan pas të njëjtin vlerësim”, tha Osmani te Çim Peka.

Duke folur për lirinë e gjykatës në vendimin e saj, presidentja shprehu shpresën që askush të mos ushtrojë presion ndaj saj.

“Do të duhej të ishte e lirë”, tha Osmani, duke shtuar se cilido vendim i Gjykatës për të do të jetë i mirëseardhur./gazetametro.net